تحليل البول من التحاليل البسيطه التي لها اهميه تشخيصيه كبيره للمريض لأنها بتوضح اليه عمل الكليتين
أفضل عينه هي أول عينه صباحا أول مابنصحي من النوم وده لانها بتكون أفضل عينه من حيث تركيز الاملاح بيكون فيها اعلى تركيز للاملاح والصديد على مدار اليوم.
وعادة مابيكون تقرير نتيجه تحليل البول مقسمه الى ثلاث اقسام :-
الخواص الفيزيائيه - Physical Properties
الخواص الكيميائيه - Chemical Properties
الفحص الميكروسكوبي - Microscopic Examination
 |
| مثال لتقرير نتيجه تحليل بول روتيني |
هنحاول نشرح التلات اقسام بطريقه مبسطه:-
بالنسبه للخواص الفيزيائيه زى ماحضراتكم شايفين فى نموذج تحليل البول اللى فى الصوره
أول شق هو
colour أو اللون وعاده مابيكون اللون الطبيعي للبول أصفر فاتح وفى الحالات المرضيه ممكن يكون اصفر غامق او معكر لو نسبه الأملاح مرتفعه ولو فى دم فى البول او لو المريض كان أكل ماده صبغيه بلون احمر زى البنجر مثلا اللون بيكون مائل للأحمر.
الكثافه النوعيه - Specific Gravity زى ماحضراتكم شايفين بتكون فى الطبيعي حول 1005- 1010 وكلما زاد تركيز البول من الأملاح كلما زادت الكثافه النوعيه.
العكاره - Turbidity والطبيعي ان البول بيكون رائق Clear وبردو كلما زادت نسبه الأملاح بيكون البول معكر أكتر.
Deposit - الرواسب ودى بتكون لو العينه فيها راسب شايفينو بالعين المجردة.
تانى شق وهو الخواص الكيميائيه واللى اولها
PH او الرقم الهيدروجيني والمفروض ان رقم ال PH الطبيعي 7 وممكن يزيد أو يقل على حسب حموضة او قلوية البول واللى طبعا بيكون فى الحالات المرضية أو على حسب نوعيه الغذاء و الدواء اللى بياخدهم المريض.
Leukocyte او كرات الدم البيضاء واللى مفروض بتكون موجوده بنسبه بسيطه جدا من 3 ل 5 مثلا واذا زادت بتدل على التهاب فى المجاري البولية.
Nitrite النيتريت واللى بيكون ايجابى فى بعض حالات عدوي المجاري البوليه فقط وذلك لوجود نوع معين من البكتريا الممرضة اللى بتحلل عناصر البول وتحولها لنيتريت.
Protein البروتين المفروض ميكونش موجود واللى ايضا وجوده يدل على خلل فى الكلي.
Glucose السكر مفروض بردو لا يظهر فى البول ولا يظهر الا فى حالات مرضيه معينه مثل مرضى السكر الغير مسيطر عليه وأحيانا فى حالات الحمل وبيكون ظهور مؤقت فى الحاله دى .
الكيتونات Ketones ودى اتكلمنا عنها باستفاضه فى منشور سابق.
Urobilinogen واللى بيكون موجود بنسبه بسيطه ولو زادت النسبه دي تدل علي مشاكل فى الكبد
Bilirubin الصفراء واللى مش بتكون موجوده فى البول الا فى حالات مرضيه خاصه بالكبد ايضا.
Blood الدم مفروض ميكونش ظاهر دم فى تحليل البول وظهوره يدل على وجود حصوات فى المجاري البولية أو التهابات شديدة فى مجري البول.
ثالث شق وهو الفحص الميكرسكوبي :- يعنى ببساطه اللى بيشوفو أخصائى المختبر فى عينه البول تحت الميكرسكوب
أولها Pus Cell أو الخلايا الصديدية واللى وجودها بكثره له مدلولات زى التهاب المجاري البولية واحيانا بعد تركيب القسطره البولية وكذلك عدوي مجري البول.
Red Blood Cells كرات الدم الحمراء ووجودها بنسبه مرتفعه دليل على وجود مشكله فى المجاري البوليه زى حصوات مثلا بتعمل كشط فى جدار مجري البول وتجرح المجري البولي وتتسبب فى نزول كرات دم حمراء.
Epithelial Cells أو الخلايا البشرية ودى بتكون موجود طبيعي بنسبه بسيطه فى السيدات ووجودها بنسبه مرتفعه دلاله على التهاب مجري البول واذا وجدت فى الرجال قد تدل على مشاكل فى الكلي.
Cast الاسطوانه البوليه هي أجسام اسطوانية مجهرية تنتجها الكلى وتظهر في البول في حالات مرضية معينة وهي نوعين
(خلوية ولا خلوية) ويندرج تحت كل نوع عدة انواع اخري ولكل منها مدلولها الطبي.
Crystals اللبلورات وهيا تتكون من الاملاح ولكل وسط نوع الأملاح التي تترسب فيه فمثلا الوسط الحمضى يترسب فيه املاح اليورات والنقرص واوكسالات الكالسيوم
كذلك الوسط القلوي يترسب فيه أملاح الفوسفات القاعدي ولكل نوع منهم علاج يصفه الطبيب المعالج لعدم اعطاء فرصه لهذه الأملاح للتجمع وتكوين حصوات على الكلي.
Mucus المخاط وهو لايتواجد فى الطبيعي فى البول ويتواجد فقط فى حالات الالتهاب البكتيري لمجري البول.
ليست هناك تعليقات:
إرسال تعليق