نعاني في عالمنا العربي بشكل عام وفي مصر بشكل خاص من الاستخدام المفرط للمضادات الحيويه.
اى دور برد اجري بسرعه واروح اشتري مضاد حيوي بدون وصفه طبيب من غير حتي ما ادى فرصه الجهاز المناعي يقاوم الميكروب.
في الحقيقه المشكله دي كارثيه بكل ماتحمل الكلمه من معاني لأني في الحاله دي بمنع جهاز المناعه يشتغل ضد الميكروب وبعوده علي الراحه وكمان بساعد الميكروب في تكوين مناعه ضد المضاد الحيوي وبالتالي حدوث امر كارثي وهو اجيال قادمه معندهاش اى مناعه وممكن ابسط دور برد يقتلك.
في حالات كتيره جدا من الاصابه يجب عمل مزرعه أولا لإختيار نوع المضاد الحيوي المناسب
النصيحه هنا... متستعجلش مع اى دور برد وتروح تجيب مضاد حيوي ليك او لابنك مع اى دور برد.
ادى فرصه الجهاز المناعي يشتغل ويقاوم الميكروب
متديش مضاد حيوي اصلا من نفسك غير بوصفه طبيب
مش كل الحالات ينفع معاها مضاد حيوي أصلا
في حالات بيكون سبب دور البرد هو فيروس الانفلونزا وبالتالي المضاد الحيوي لن يجدى نفعا في هذه الحاله.
ومش كل دور ميكروبي لازم اديلو مضاد حيوي ممكن ادويه خافضه للحراره بدون وصفه طبيب زى الباراسيتامول مثلا مع الراحه واشرب سوائل كتير .
ألا قد بلغت... اللهم فأشهد.
عفانا الله واياكم
ليست هناك تعليقات:
إرسال تعليق