القرحه الهضمية
المعده موجود فيها عصارات هضميه بتساعد في هضم الطعام زى حمض الهيدروكلوريك وأحماض الصفراء والانزيمات الهاضمه.
في طبقه مخاطيه بتغلف جدار المعده بتحمى جدار المعده من العصارات الهاضمه دي.
أى خلل في انتاج العصارات الهاضمه دي ممكن يسبب تأكل في الغشاء المخاطي ويسبب القرحه.
طيب ايه ممكن يسبب الخلل ده :-
غالبا ماتحدث القرحه نتيجه عدوي ببكتيريا هليكوباكتر بيلوري( جرثومه المعده) او الاستخدام المفرط للمسكنات زى الأسبيرين ومشتقاته.
للاسف معدل الاصابه ببكتيريا الهليكوباكتر بايلوري في الدول الناميه كبير جدا يصل ل 50%.
والنساء أكثر عرضه من الرجال للاصابه بهذه الجرثومه اللعينه.
شرب الكحول والتدخين بيزود فرص الاصابه بقرحة المعده وبيقلل من فرص الشفاء.
أكتر الأعراض شيوعا بتكون ألم خفيف أو حارق بيحدث في اى مكان في البطن بين عضم الثدي والسره.
ممكن تحصل بعد ساعات قليله من تناول الأكل أو أثناء الليل...ممكن تحس براحه مؤقتا مع الأكل او مضادات الحموضه.
ممكن بردو يحصل فقدان شهيه وفقدان وزن وقئ وانتفاخ.
إذا شعرت بألم حاد ومفاجئ ومستمر مع براز أسود أو دموي او حصل تقيوء دموي راجع طبيبك فورا.
يوجد ثلات تحاليل يمكن عملها للكشف عن الجرثومه وهي:-
الكشف عن الجرثومه في البراز ولكنه لايصلح في حاله وجود دم في البراز.
اختبار الاجسام المضاده للجرثومه في الدم ولكن في ناس كتير مش بتفضلها لأنها مش بتفرق بين الاصابه قديمه أو جديده.
اختبار التنفس عن طريق اليوريا.
كمان ممكن ناخد عينه من نسيج المعده عن طريق المنظار نفحصه تحت الميكروسكوب عشان ندور علي الجرثومه في النسيج.
ممكن كمان نعمل أشعه مقطعيه عشان تظهر القرحه ان كانت موجوده.
دمتم بصحه 😊
ليست هناك تعليقات:
إرسال تعليق